នៅព្រឹកថ្ងៃទី០៤ ខែមករា ឆ្នាំ២០២៣ ត្រូវនឹងថ្ងៃពុធ១៣កើត ខែបុស្ស ឆ្នាំខាល ចត្វាស័ក ព.ស.២៥៦៦ សាលាដំបូង និងអយ្យការអមសាលាដំបូងខេត្តក្រចេះ បានរៀបចំសន្និបាតបូកសរុបលទ្ធផលការងារឆ្នាំ២០២២ និងលើកទិសដៅការងារសម្រាប់អនុវត្តឆ្នាំ២០២៣ ក្រោមអធិបតីភាពឯកឧត្តម តុប ឈុនហេង ប្រធានសាលាដំបូង និងលោក កៀង សុន្ទរោ ព្រះរាជអាជ្ញារង ជាតំណាងព្រះរាជអាជ្ញានៃអយ្យការអមសាលាដំបូងខេត្តក្រចេះ។ អង្គសន្និបាតនេះ គឺមានការអញ្ជើញចូលរួមពីសំណាក់លោកស្រីអនុប្រធានសាលាដំបូង លោកព្រះរាជអាជ្ញារង លោក លោកស្រីចៅក្រម លោកស្រីប្រធានលេខាធិការដ្ឋាន លោកអនុប្រធានលេខាធិការដ្ឋាន លោក លោកស្រីក្រឡាបញ្ជី លោក លោកស្រីប្រធាន អនុប្រធានការិយាល័យ និងមន្ត្រីលេខាធិការដ្ឋានទាំងអស់របស់សាលាដំបូង និងអយ្យការអមសាលាដំបូងខេត្តក្រចេះ និងលោក វិន ឆាយ តំណាងអគ្គលេខាធិការរបស់សាលាឧទ្ធរណ៍ត្បូងឃ្មំ។