ខេត្តក្រចេះ,
នាព្រឹកថ្ងៃពុធ ៩រោច ខែផល្គុន ឆ្នាំខាល ចត្វាស័ក ព.ស ២៥៦៦ ត្រូវនឹងថ្ងៃទី១៥ ខែមីនា ឆ្នាំ២០២៣ មហាអយ្យការអមសាលាឧទ្ធរណ៍ត្បូងឃ្មុំ បានចុះធ្វើអធិការកិច្ចនៅអយ្យការអមសាលាដំបូងខេត្តក្រចេះ ដឹកនាំដោយ ៖ ឯកឧត្តម ហៀង សុភក្រ្ត អគ្គព្រះរាជអាជ្ញារង តំណាងដ៏ខ្ពង់ខ្ពស់ ឯកឧត្តម ហួត វុទ្ធី អគ្គព្រះរាជអាជ្ញា នៃមហាអយ្យការអមសាលាឧទ្ធរណ៍ត្បូងឃ្មុំ អមដំណើរដោយ ឯកឧត្តម ទុំ សោភ័ណ អគ្គលេខាធិការ លោក កុល បុន ព្រះរាជអាជ្ញា ព្រមទាំងសហការី និងដោយមានការចូលរួមពី ៖ ឯកឧត្តម គឺ ប៊ុណ្ណរ៉ា ព្រះរាជអាជ្ញានៃអយ្យការអមសាលាដំបូងខេត្តក្រចេះ ឯកឧត្តម តុប ឈុនហេង ប្រធានសាលាដំបូងខេត្តក្រចេះ និងលោកព្រះរាជអាជ្ញារង លោកប្រធានពន្ធនាគារ លោកស្នងការរង លោកមេបញ្ជាការរងកងរាជអាវុធហត្ថខេត្តលោកប្រធានមន្ទីរបរិស្ថាន លោកប្រធានមន្ទីរកសិកម្ម រុក្ខប្រមាញ់ និងនេសាទ លោកស្រីប្រធានសាខាពន្ធដារខេត្ត នាយខណ្ឌរដ្ឋបាលព្រៃឈើ និងមន្ត្រីរាជការទាំងអស់ នៃសាលាដំបូង និងអយ្យការអមសាលាដំបូងខេត្តក្រចេះ។
*គោលបំណង នៃការចុះអធិការកិច្ច ដើម្បីពង្រឹងកិច្ចការអយ្យការ ៖ តាមដានត្រួតពិនិត្យចំណាត់ការនីតិវិធី ក្នុងដំណាក់កាលអយ្យការ ឱ្យត្រឹមត្រូវស្របតាមក្រមនីតិវិធីព្រហ្មទណ្ឌ ព្រមទាំងត្រួតពិនិត្យសៀវភៅចុះបញ្ជីសំណុំរឿងព្រហ្មទណ្ឌ សៀវភៅផ្សេងទៀត និងដោះស្រាយបញ្ហាប្រឈមមួយចំនួន។
================================
នាថ្ងៃដដែល ឯកឧត្តម ហៀង សុភក្រ្ត អគ្គព្រះរាជអាជ្ញារង និង អមដំណើរដោយ ឯកឧត្តម គឺប៊ុណ្ណរ៉ា ឯកឧត្ដម ទុំ សោភ័ណ អគ្គលេខាធិការ លោក កុល បុន ព្រះរាជអាជ្ញា ព្រមទាំងសហការី បានចុះទៅអធិការកិច្ចពន្ធនាគារខេត្តក្រចេះផងដែរ។ ដោយមានការស្វាគមន៍យ៉ាងកក់ក្តៅដោយ លោក ដួងវុទ្ធីប្រធានពន្ធនាគារ។
គោលបំណងនៃការចុះអធិការកិច្ចគឺដើម្បី៖
- ត្រួតពិនិត្យសៀវភៅឃុំខ្លួន និងសៀវភៅដោះលែងរបស់ពន្ធនាគារ
-ត្រួត ពិនិត្យ ពីស្ថានភាព និងទីកន្លែងឃុំខ្លួន
-ត្រួតពិនិត្យ និងតាមដានការអនុវត្តនីតិវិធី ដើម្បីធានាឱ្យបាននូវភាពត្រឹមត្រូវ សមស្របតាមនីតិវិធីជាធរមាន
-និងបញ្ហាប្រឈមផ្សេងៗទៀត ដេីម្បីពិភាក្សាដោះស្រាយ។
ជាកិច្ចបញ្ចប់នៃកម្មវិធីអធិការកិច្ច អយ្យការអមសាលាដំបូង ពង្រឹងមន្រ្តីនគរបាលយុត្តិធម៌ និងចុះពិនិត្យអង្កេតពន្ធនាគារ។ ឯកឧត្តមអគ្គព្រះរាជអាជ្ញារង បានលើកទឹកចិត្ត និងសាទរ ចំពោះកិច្ចសហការ និងការអនុវត្តនីតិវិធីរបស់ មន្រ្តីនគរបាលយុត្តិធម៌ខេត្តក្រចេះ ជាមួយសាលាដំបូង និងអយ្យការអមសាលាដំបូងខេត្តក្រចេះ ដោយបានយកចិត្តទុកដាក់ក្នុងការអនុវត្តការងារ តាមនីតិវិធីបានល្អប្រសើរកន្លងមក។
ព័ត៌មានផ្សេងៗ
ក្រុមការងារមហាអយ្យការអមសាលាឧទ្ធរណ៍ត្បូងឃ្មុំ ដឹកនាំដោយ ឯកឧត្តម ហៀង សុភក្ត្រ អគ្គព្រះរាជអាជ្ញារង នៃមហាអយ្យការអមសាលាឧទ្ធរណ៍ត្បូងឃ្មុំ បានចុះធ្វើអធិការកិច្ចនៅពន្ធនាគារខេត្តស្ទឹងត្រែង
ក្រុមការងារមហាអយ្យការអមសាលាឧទ្ធរណ៍ត្បូងឃ្មុំ ដឹកនាំដោយ ឯកឧត្តម ហៀង សុភក្ត្រ អគ្គព្រះរាជអាជ្ញារង នៃមហាអយ្យការអមសាលាឧទ្ធរណ៍ត្បូងឃ្មុំ បានចុះធ្វើអធិការកិច្ចនៅអយ្យការអមសាលាដំបូងខេត្តក្រចេះ
ការចុះពិនិត្យដល់ទីតាំងផ្ទាល់ ដោយក្រុមការងារសាលាឧទ្ធរណ៍ត្បូងឃ្មុំ ស្ថិតនៅចំណុចភូមិបឹងដែង ឃុំព្រែកកក់ ស្រុកស្ទឹងត្រង់ ខេត្តកំពង់ចាម
