នាព្រឹកថ្ងៃអង្គារ ៤រោច ខែជេស្ឋ ឆ្នាំរោង ឆស័ក ព.ស ២៥៦៨ ត្រូវនឹងថ្ងៃទី២៥ ខែមិថុនា ឆ្នាំ២០២៤
សាលាឧទ្ធរណ៍ និងមហាអយ្យការអមសាលាឧទ្ធរណ៍ត្បូងឃ្មុំ បានរៀបចំកិច្ចប្រជុំពិភាក្សា និងណែនាំ ជាមួយសិស្សក្រឡាបញ្ជីចំនួន ១៤រូប ដែលមកចុះកម្មសិក្សានៅសាលាឧទ្ធរណ៍ និងមហាអយ្យការអមសាលាឧទ្ធរណ៍ត្បូងឃ្មុំ ក្រោមអធិបតីភាព ឯកឧត្តម ម៉ុង មុនីចរិយា ប្រធានសាលាឧទ្ធរណ៍ និងឯកឧត្តម ហួត វុទ្ធី អគ្គព្រះរាជអាជ្ញាអមសាលាឧទ្ធរណ៍ ដោយមានការចូលរួមពី ឯកឧត្តមអនុប្រធានសាលាឧទ្ធរណ៍ ឯកឧត្តមអគ្គលេខាធិការ លោកព្រះរាជអាជ្ញា លោកប្រធាននាយកដ្ឋាន លោក/លោកស្រីក្រឡាបញ្ជី និងមន្រ្តីជំនាញមួយចំនួន។
ឯកឧត្តមប្រធាន និងឯកឧត្តមអគ្គព្រះរាជអាជ្ញា បានមានមតិផ្តាំផ្ញើ និងណែនាំដល់សិស្សក្រឡាំបញ្ជីកម្មសិក្សាគ្រប់រូបឱ្យគោរពវិន័យ បទបញ្ជាផ្ទៃក្នុងរបស់អង្គភាព ខិតខំស្រូបយកចំណេះវិជ្ជា ការអនុវត្តជាក់ស្តែង ជាពិសេសការអនុវត្តការងារដោយផ្ទាល់ជាមួយក្រឡាបញ្ជីដែលកំពុងបំពេញការងារ ក្នុងពេលចុះកម្មសិក្សានេះ ដើម្បីមានមូលដ្ឋាន និងទិន្នន័យគ្រប់គ្រាន់ក្នុងការរៀបចំរបាយការណ៍កម្មសិក្សារបស់ខ្លួន។
ព័ត៌មានផ្សេងៗ
ក្រុមការងារមហាអយ្យការអមសាលាឧទ្ធរណ៍ត្បូងឃ្មុំ ដឹកនាំដោយ ឯកឧត្តម ហៀង សុភក្ត្រ អគ្គព្រះរាជអាជ្ញារង នៃមហាអយ្យការអមសាលាឧទ្ធរណ៍ត្បូងឃ្មុំ បានចុះធ្វើអធិការកិច្ចនៅពន្ធនាគារខេត្តស្ទឹងត្រែង
ក្រុមការងារមហាអយ្យការអមសាលាឧទ្ធរណ៍ត្បូងឃ្មុំ ដឹកនាំដោយ ឯកឧត្តម ហៀង សុភក្ត្រ អគ្គព្រះរាជអាជ្ញារង នៃមហាអយ្យការអមសាលាឧទ្ធរណ៍ត្បូងឃ្មុំ បានចុះធ្វើអធិការកិច្ចនៅអយ្យការអមសាលាដំបូងខេត្តក្រចេះ
ការចុះពិនិត្យដល់ទីតាំងផ្ទាល់ ដោយក្រុមការងារសាលាឧទ្ធរណ៍ត្បូងឃ្មុំ ស្ថិតនៅចំណុចភូមិបឹងដែង ឃុំព្រែកកក់ ស្រុកស្ទឹងត្រង់ ខេត្តកំពង់ចាម
