ខេត្តព្រះវិហារ, នាព្រឹកថ្ងៃពុធ ៨កើត ខែមិគសិរ ឆ្នាំថោះ បញ្ចស័ក ព.ស ២៥៦៧ ត្រូវនឹងថ្ងៃទី២០ ខែធ្នូ ឆ្នាំ២០២៣
ក្រុមការងារមហាអយ្យការអមសាលាឧទ្ធរណ៍ត្បូងឃ្មុំ ដឹកនាំដោយ ឯកឧត្តម ហួត វុទ្ធី អគ្គព្រះរាជអាជ្ញានៃមហាអយ្យការអមសាលាឧទ្ធរណ៍ត្បូងឃ្មុំ បានចុះធ្វើអធិការកិច្ចនៅអយ្យការអមសាលាដំបូងខេត្តព្រះវិហារ ដោយមានការចូលរួមពី៖
១. ឯកឧត្តម ជេត ខេមរា អគ្គព្រះរាជអាជ្ញារងសាលាឧទ្ធរណ៍ត្បូងឃ្មុំ
២. លោក ហ៊ន ឈីវឡេង ប្រធាននាយកដ្ឋានកិច្ចការមហាអយ្យការ និងអមដំណើរដោយលោក សំអ៊ន សុណា អនុប្រធាននាយកដ្ឋាន និងមន្ត្រីនៃនាយកកិច្ចការមហាអយ្យការនៃសាលាឧទ្ធរណ៍ត្បូងឃ្មុំ។
សមាសភាពចូលរួមពីអយ្យការអមសាលាដំបូងខេត្តព្រះវិហាររួមមាន៖
១. ឯកឧត្តម ទី សុវិនថាល់ ព្រះរាជអាជ្ញាអមសាលាដំបូងខេត្ត និងព្រះរាជអាជ្ញារងចំនួន ៣រូប
២. ឯកឧត្ដម យុត ពន្លឺ ប្រធានសាលាដំបូងខេត្តព្រះវិហារ
៣. លោក សួរ ចាន់រតនា អនុប្រធានការិយាល័យប្រតិបត្តិ តំណាងប្រធានពន្ធនាគារខេត្ត
៤. លោក ហ៊ុន សារ៉ាវុធ ប្រធានការិយាល័យទទួលបន្ទុកផែនយុត្តិធម៌ តំណាងលោកមេបញ្ជាការកងរាជអាវុធហត្ថខេត្ត
៥. លោក-លោកស្រីស្នងការរង និងមន្ត្រី នៃស្នងការនគរបាលខេត្ត
៦. លោកស្រីប្រធានលេខាធិការរដ្ឋបាល និងមន្រ្តីពាក់ព័ន្ធ
ការចុះអធិការកិច្ចនេះ ក្នុងគោលបំណងដើម្បី៖ ពង្រឹងកិច្ចការអយ្យការ ការពន្លឿនចំណាត់ការរឿងក្តី តាមដាន ត្រួតពិនិត្យ ពង្រឹងកិច្ចការងារអនុវត្តច្បាប់ឱ្យកាន់តែមានប្រសិទ្ធភាព ផ្សារភ្ជាប់ទំនាក់ទំនងល្អរវាងមហាអយ្យការអមសាលាឧទ្ធរណ៍ត្បូងឃ្មុំ និងអយ្យការអមសាលាដំបូង នគរបាល កងរាជអាវុធហត្ថ ពន្ធនាគារ ព្រមទាំងមន្រ្តីនគរបាលយុត្តិធម៌ក្នុងខេត្តព្រះវិហារ។
ជាកិច្ចបញ្ចប់នៃកម្មវិធីអធិការកិច្ចនៅអយ្យការអមសាលាដំបូងខេត្តព្រះវិហារ ការពង្រឹងមន្រ្តីនគរបាលយុត្តិធម៌ និងពន្ធនាគារ ឯកឧត្តមអគ្គព្រះរាជអាជ្ញា បានលើកទឹកចិត្ត និងសាទរចំពោះកិច្ចសហការ និងការអនុវត្តន៍នីតិវិធីរបស់មន្ត្រីនគរបាលយុត្តិធម៌ខេត្ត និងពន្ធនាគារខេត្ត ជាមួយសាលាដំបូងខេត្តបានយ៉ាងរលូនក្នុងការអនុវត្តន៍ការងារតាមនីតិវិធីកន្លងមកបានល្អប្រសើរ។
====================
នារសៀលថ្ងៃដដែរ បន្ទាប់ពីបានចុះធ្វើអធិការកិច្ចនៅអយ្យការអមសាលាដំបូងខេត្ត និងពង្រឹងមន្ត្រីនគរបាលយុត្តិធម៌រួចមក ក្រុមការងារមហាអយ្យការអមសាលាឧទ្ធរណ៍ត្បូងឃ្មុំ បានចុះធ្វើអធិការកិច្ចនៅពន្ធនាគារខេត្តព្រះវិហារ ក្រោមការដឹកនាំដោយ ឯកឧត្តម ជេត ខេមរា អគ្គព្រះរាជអាជ្ញារង តំណាងដ៏ខ្ពង់ខ្ពស់ ឯកឧត្តម ហួត វុទ្ធី អគ្គព្រះរាជអាជ្ញានៃមហាអយ្យការអមសាលាឧទ្ធរណ៍ត្បូងឃ្មុំ ដោយមានការចូលរួម និងអមដំណើរដោយ៖
១. ឯកឧត្ដម ទី សុវិនថាល់ ព្រះរាជអាជ្ញានៃអយ្យការអមសាលាដំបូងខេត្តព្រះវិហារ
២. លោក ហ៊ន ឈីវឡេង ប្រធាននាយកដ្ឋានកិច្ចការមហាអយ្យការ នៃសាលាឧទ្ធរណ៍ត្បូងឃ្មុំព្រមទាំងសហការី
ការចុះអធិការកិច្ចពន្ធនាគារនេះ មានការស្វាគមន៍យ៉ាងកក់ក្តៅដោយ លោកអនុប្រធានពន្ធនាគារស្ដីទី តំណាងឱ្យលោកប្រធានពន្ធនាគារខេត្តព្រះវិហារដែលជាប់បំពេញភារកិច្ចបេសកកម្ម។
គោលបំណងនៃការចុះអធិការកិច្ចគឺដើម្បី៖
-ត្រួតពិនិត្យសៀវភៅឃុំខ្លួន និងសៀវភៅដោះលែងរបស់ពន្ធនាគារ
-ត្រួតពិនិត្យពីស្ថានភាព និងទីកន្លែងឃុំខ្លួន
-ត្រួតពិនិត្យ និងតាមដានការអនុវត្តន៍ ដើម្បីធានាឱ្យបាននូវភាពត្រឹមត្រូវ សមស្របតាមនីតិវិធីជាធរមាន
-បញ្ហាប្រឈមផ្សេងៗទៀត ដើម្បីពិភាក្សា និងដោះស្រាយ។
ជាកិច្ចបញ្ចប់នៃកម្មវិធីអធិការកិច្ចនៅពន្ធនាគារខេត្តព្រះវិហារនេះ ឯកឧត្តមអគ្គព្រះរាជអាជ្ញារង បានលើកទឹកចិត្ត និងសាទរចំពោះកិច្ចសហការ និងការអនុវត្តន៍នីតិវិធីរបស់ពន្ធនាគារខេត្ត ជាមួយសាលាដំបូង និងអយ្យការអមសាលាដំបូងខេត្តបានយ៉ាងរលូន ប្រកបដោយប្រសិទ្ធិភាពក្នុងការអនុវត្តន៍ការងារតាមនីតិវិធីបានល្អប្រសើរកន្លងមក។
ព័ត៌មានផ្សេងៗ
ក្រុមការងារមហាអយ្យការអមសាលាឧទ្ធរណ៍ត្បូងឃ្មុំ ដឹកនាំដោយ ឯកឧត្តម ហៀង សុភក្ត្រ អគ្គព្រះរាជអាជ្ញារង នៃមហាអយ្យការអមសាលាឧទ្ធរណ៍ត្បូងឃ្មុំ បានចុះធ្វើអធិការកិច្ចនៅពន្ធនាគារខេត្តស្ទឹងត្រែង
ក្រុមការងារមហាអយ្យការអមសាលាឧទ្ធរណ៍ត្បូងឃ្មុំ ដឹកនាំដោយ ឯកឧត្តម ហៀង សុភក្ត្រ អគ្គព្រះរាជអាជ្ញារង នៃមហាអយ្យការអមសាលាឧទ្ធរណ៍ត្បូងឃ្មុំ បានចុះធ្វើអធិការកិច្ចនៅអយ្យការអមសាលាដំបូងខេត្តក្រចេះ
ការចុះពិនិត្យដល់ទីតាំងផ្ទាល់ ដោយក្រុមការងារសាលាឧទ្ធរណ៍ត្បូងឃ្មុំ ស្ថិតនៅចំណុចភូមិបឹងដែង ឃុំព្រែកកក់ ស្រុកស្ទឹងត្រង់ ខេត្តកំពង់ចាម
