នាព្រឹកថ្ងៃចន្ទ ៥កើត ខែមាឃ ឆ្នាំជូត ទោស័ក ព.ស.២៥៦៤ ត្រូវនឹងថ្ងៃទី១៨ ខែមករា ឆ្នាំ២០២១ ឯកឧត្តម ម៉ុង មុនីចរិយា ប្រធានសាលាឧទ្ធរណ៍ត្បូងឃ្មុំ ឯកឧត្តម តន់ សីហតេជ អគ្គព្រះរាជអាជ្ញារងអមសាលាឧទ្ធរណ៍ត្បូងឃ្មុំ ឯកឧត្តម ទុំ សោភ័ណ អគ្គលេខាធិការ ព្រមទាំងសហការីបានបើកកិច្ចប្រជុំស្តីពីការចុះអធិការកិច្ចរបស់ក្រុមការងារសភាស៊ើបសួរ និងក្រុមការងារ មហា អយ្យការ របស់សាលាឧទ្ធរណ៍ត្បូងឃ្មុំ នៅសាលាដំបូង និងអយ្យការអមសាលាដំបូងខេត្តកំពង់ចាម។ កិច្ចប្រជុំនេះ មានការ អញ្ជើញ ចូលរួមពីសំណាក់ឯកឧត្តមប្រធានសាលាដំបូង និងឯកឧត្តមព្រះរាជអាជ្ញា លោក លោកស្រី ចៅក្រម ព្រះរាជអាជ្ញារង ប្រធាន លេខាធិការដ្ឋាន មន្ត្រីនៃស្នងការដ្ឋាននគរបាលខេត្ត មន្ត្រីនៃកងរាជអាវុធហត្ថខេត្ត មន្ត្រីនៃពន្ធនាគារខេត្ត។