នារសៀលថ្ងៃពុធ ៦កើត ខែកត្តិក ឆ្នាំឆ្លូវ ត្រីស័ក ព.ស ២៥៦៥ ត្រូវនឹងថ្ងៃទី១០ ខែវិច្ឆិកា ឆ្នាំ២០២១ ឯកឧត្តម ទុំ សោភ័ណ អគ្គលេខាធិការ នៃអគ្គលេខាធិការដ្ឋានរដ្ឋបាលសាលាឧទ្ធរណ៍ត្បូងឃ្មុំ តំណាងដ៏ខ្ពង់ខ្ពស់ ឯកឧត្តម ម៉ុង មុនីចរិយា ប្រធានសាលាឧទ្ធរណ៍, លោកស្រី ចៅក្រម លោកប្រធាននាយកដ្ឋាន ក្រឡាបញ្ជី និងមន្ត្រីអគ្គលេខាធិការ បានទទួលជួបលោក ហ៊ុន ស៊ាងហាក់ តំណាងមជ្ឈមណ្ឌលសិទ្ធិមនុស្សកម្ពុជា និងក្រុមការងារ ដើម្បីពិភាក្សា និងធ្វើបទបង្ហាញអំពីសិទ្ធិទទួលបានការជំនុំជម្រះដោយយុត្តិធម៌នៅកម្ពុជា, គម្រោង និងតារាងសង្កេតការណ៍សវនាការនៅសាលាឧទ្ធរណ៍ត្បូងឃ្មុំ។